« L'invencion de la preïstòria »,
Collègi Leroi-Gourhan d’Albuga
Realisacion per los escolans de 4èma B
d'un trabalh plastic que bòta en
scèna a l’encòp la preïstòria e l'art contemporanèu.
Aquel trabalh plastic comencèt en genièr 2007 aprèp un trabalh
teoric analisant la representacion en pintura, gravadura, escalpradura,
dessenh, per d’artistas del sègle XIXen
d’aprèp l'idèa que quels d’aquí se
fasián de la Preïstòria - lo desvolopament de la sciéncia estent
fòrt pauc avançat e pauc conegut de quel temps.
Lo parallèl fuguèt fait amb los artistas avant-gardistas que trabalhavan a
la meteissa epòca (romantisme, naturalisme, impressionnisme) que
tendián puslèu - dins lor biais de considerar la representacion -
vèrs l'art modèrn.
|
A la seguida d’aquel estudi, una analisa plastica serà facha de las
representacions sus las parets de las cròsas. L'utilisacion de matièra,
de colors, d’unes còps vivas, las fòrmas de còps que i a enigmaticas,
abstraitas e las composicions elaboradas an menat a far lo
parallèl amb l'art modèrn e contemporanèu : simplificacion de las
fòrmas jusca a l'abstraccion, apòrt de la matièra dins la pintura...
Sensibilisacion per la projeccion d'òbras abstraitas modèrnas e
contemporanèas utilisant de la matièra e mai de materials dins la
pintura.
Lo trabalh plastic dels escolans fuguèt laidonc de botar en relacion la
preïstòria e l'art contemporanèu per l'utilisacion de las colors, de
la matièra e del saber far d’aquels dos periòdes a l’encòp tan
alunhats e tan prèps per elaborar una composicion botant en
comunion lo passat e lo present.
|