|
Lo Perigòrd rebòfa d’aquels paísatges sensuals, ondulats e boscats. Michel Albié, ancian jogaire de rugbí reconvertit als espòrts mecanics, a esposat las corbas de sa proprietat, situada a Saint-Chamassy, au Sud de Albuga, per i imprimir un circuit de motò cròss, redobtable e doç al còp. Cada trempolin, o taula, permés diferentas longors de sauts, d’après la fòrma e l’inspiracion, d’après lo pilòte e sa maquina, tanben. Cadun inventa son camin personal. Per pròva l’amassada, aquel 25 de junh, de correires tots azimuts : nationals o regionals, vielhas glòrias o futurs campions.
De mai de las corsas de maquinas darniers crits, 125, 250 o 500cm3, disputadas per de pilòtes locals – dits "promocion" – lo Motò-Club de Belvès organisava tanben aquí, per lo tresen còp, lo Campionat de Françae del Motò Cròss a l’anciana, reservat a las motòs anterioras a 1983, e als pilòtes d’au mens 33 ans. Un bon tuc ; ancians campions totjorn afogats, collecccionaires inveterats e tots aimant far la festa e se tornar trobar. Fin finala, un palmarés, etapa del campionat nacional, et de venceires, lo quite ser, del costat dels locals, a descrubir sus aquela pagina que fai « vrom », a l’imatge d’aquela armada de liliputencs a l’assaut de las rondors vertiginosas del circuit dels Courrèges, adobat per Michel Albié.
|
