En complement del magazin d'informacion www.albuga.info, sèm a preparar per 2019 la publicacion del TARDIGLÒBE, periodic numeric d'actualitats scientificas.

Dins nòstre sègle XX^en, quand las teorias « planieristas » tòrnan un còp de mai, anam tornar pausar las basas de las sciéncias naturalas.

Non, la Tèrra es pas planièra. Òc, totas las fòrmas de vita son ligadas e cambian de contunh. Òc, los camins bartassièrs de la transformacion de las espècias son de mièlhs en mièlhs comprés per los cercaires gràcias als progrès tecnologics lampants de lors metòdes d'investigacion.

Lo TARDIGLÒBE farà lo ligam entre nosautres tots, ciutadans del monde, e lo trabalh remirable e coratjós de la comunautat scientifica a l'agrat de sas descobèrtas, fondamentalas per pas tornar cabussar dins la barbariá.