Fotòs de l'article Estampar l'article Somari Barratz aquela fenèstra Estampar l'article Somari

LOS RESSONS DE LAS DARRIÈRAS PARTIDAS

LO GRÒS BRAÇ DE LA POLA FÀCIA A LA MAQUINA A GANHAR D’ALBUGA

11 de febrièr de 2007
Sant-Junian - Albuga, marca : 9 a 19

Faliá zo far ! Matematicament, lo « staff » aviá calculat qu'una victòria (de mai) en defòra èra indispensabla. Aquò’s causa facha, e de mai chas un dels gròs braç de la pola, Sent-Junian. Se los locals fuguèron puslèu atentistes pendent lo primièr temps, davant la maquina a ganhar d’Albuga, aquò amb lo vent, ne’n fuguèt pas parier dins lo segond periòdi onte los goiats del Lemosin balhèron tot quaranta minutas de temps. Mandant de jòc a braç virat, gratant mai d’un balons, aluquèron lo fuòc dins tots los cantons del prat. La defensa d’Albuga fuguèt perfiècha e solidària. Tres ensags subrebèls concretisèron la man mesa visitosa sus los debats e los blu e blanc tornèron logicament a Albuga amb aquela victòria (19 a 9) estrategicament importanta.

PLB

MANCA DE FE A SANTA-FE

18 de febrièr de 2007
Santa-Fe / Albuga, marca : 18 a 14

Queraque un pauc aflaquits per dos desplaçaments en seguida, et aquò chas dos braves bocins del campionat, lo monde d’Albuga son partits vencits (18 a 14) dels bòrds de la Granda Aiga, aprèp una partida en mièja-tinta de lor part. Lo sol ensag del rencontre es tot-parier a lor actiu e los de Senta-fe, e mai se se son incontestablament meritat la victòria, amb lor vivacitat e lor combativitat, an ça que la degut aver recors a sièis còps de pè per ganhar. L'arbitratge, indigne d’aquel nivèu de la competicion, aguèt tanben sa part dins la desagregacion del jòc al fial de las minutas, delirant per moments en laissant jogar los d’Albuga a 13 contra 15 (ou 16 !)
Aquel resultat remet ren en causa per çò qu’es del classament.

PLB

I A PAS AGUT FOTÒ ENTRE LO PRIMIÈR E LO DARRIÈR

25 de febrièr de 2007
Albuga - Lo Passatge, marca : 42 a 3

Albuga faguèt pas dins lo detalh contra lo darrièr. Amb sièis ensags a la clau, los òlt e garonés an patit, en ensajant de s'arrapar amb lors mejans, la fòrça e la velocitat dels jogaires d’Albuga plan de veta aquel dimenge. Totjorn rigorós dins totas las fasas de jòc, an fait de contunh l'esfòrç d'envoiar de jòc, a l’imatge d’aquela accion ont, partits de lors 22 sus una poderosa carga de Yassine OUALI, se retrobèron tots jos los potèus per anar marcar. Confortablament installats en testa de la pola, a cinc partidas de la fin dels rencontres de la fasa preliminària, van abordar los dimenges que venon amb fòrça bonas intencions, La Linda, e tanben plan segur Brajairac.

PLB


ASBB
Minis poletons, fotò Bertrand Picq, lo 10 de febrièr de 2007
Copyright (c) Ferrassie-TV 2007 Somari