Fotòs de l'article Estampar l'article Acuelh Barratz aquela fenèstra Estampar l'article Acuelh

COMA UN GOST D'INACABAT

Aprèp una succession de victòrias – 12 a 9 contra Fumel, 46 a 13 contra Nerac, 20 a 14 contra Malamòrt – e lors cortègis de nafraduras successivas, los jogaires d’Albuga an afrontat l'equipa de Rodés amb belcòp d'absents mas la ràbia al ventre. Aquel rencontre se sòlda per un match nul e mai los Chivalièrs d'Albuga àian un còp de mai balhat la mesura de las ressorças de coratge e de còr incresablas que son capables.

Sophie Cattoire

Albuga :
1 ensag : Mickaël Barat (70°).
1 transformacion : Antòni Vasquez (70°).
2 penalitats : Antòni Vasquez (15°, 48°).

Rodés :
1 ensag : Brunò Campanac (50°).
1 transformacion : Alexandre Rivière (50°).
2 penalitats : Alexandre Rivière (5°, 35°).

Le resumit del match per nòstre confraire PLB :

En aquel jorn de prima, los jogaires d’Albuga devon far fàcia a una cascada de nafrats e de punits, destabilisant l'òssa abituala d’aquel grope, tant performant dempuèi la debuta de la sason. Coma previst los jogaires de Rodés envasisson lo camp local emb un bon jòc al pè e obtenon gaireben tre l’intrada de jòc una penalitat fàcia a las pagelas. Mas doas cargas successivas de Johan Magnol tòrnan equilibrar l'ocupacion del terren e los d’Albuga tòrnan botar la man sul balon. Antòni Vasquez a una ocasion d'egalisar sus fauta dels visitors mas passa un brin a costat. Aquò’s nonmàs partida remesa. Aprèp una bona culida en tòca, la segonda penalitat als 22m de bescaire passa aqueste còp al mitan de las barras. Los d’Albuga se tiran laidonc de qualquas situacions perilhosas dins lor camp, que resultan de balons emparats que aurián pogut lor costar car. Tot al long del primièr temps, los d’Albuga an de mal a passar la vistessa superiora e devon se contentar de gerir la dominacion territoriala de Rodés.
A dètz minutas del segond temps, los d’Albuga reüssisson tot-parier de produire un temps de jòc de remarcar. Partits dels 22m, aprèp la marca de Vasquez jogada rapidament, tots los jogaires tocaràn lo balon e arribaràn prestament a qualques mètres de la linha advèrsa. Aquela brava traversada anirà pas pus luènh a causa d'un ballon perdut en rota. Marca a la pausa : 6 a 3 per Rodés.

Coma una victòria que vos limpa jos los pès

Dins lo segond temps los de Rodés impausan un ritme e un jòc coërents amb un jòc al pè relativament eficaç que a per primièr objectiu l'ocupacion del terren advèrse. Aprèp una brava penetracion de los d’Albuga lo long de la linha de tòca que auriá pogut anar al cap, aquò’s a l’encontrari los visitors que recuperan lo balon e se’n van a dama, un pauc contra lo cors del jòc. Còp del sòrt, Damien Marty suert nafrat a la 62°. Tot-parier, la dominacion territoriala dels Blus e Blancs vai devenir totala e logicament aprèp doas o tres « penal tòcas » consecutivas, Mickaël Barat, ajudat per tot son pack, reüssís a aplatir darrièr la linha. Antòni Vasquez transforma. Endonc, tot ven possible. En tot contunhar l'ocupacion del terren, los d’Albuga retròban de la vigor e la victòria eventuala se jogarà a 5 minutas del còp de fiulèl final, sus una gròssa progression del pack local als 22 m, empachada per los de Rodés, mai o mens dins las règlas de l'art. Rodés obten lo match nul per una gròssa, plan gròssa, volontat defensiva jusca al còp de fiulèl final.

PLB

Maxime Chalon, capitani d’Albuga e ½ d'obertura : « Aquel rencontre s'anonçava malaisat en rason dels nafrats e aquò se confirma tre l'entamenada del match. Tot-parier los jogaires an jamai baissat ni de bras nimai de regim. Rodés nos a mantengut sens pausa jos pression. Nos a faugut belcòp de coratge e de còr per tornar a egalitat. Lo match auriá pogut bascular a 5 minutas de la fin. Mas l'arbitre a totjorn rason. » Damien Marty, arrièr : « Avèm fait tot çò qu'avèm pogut mas nos mancava tròp de monde, de las pèças mestressas, mai que mai a l'arrièr. Dimenge que ven serèm en repaus, aquò vai nos far lo mai grand ben. Anem nos tornar far una santat. »


Commandez le DVD de la Finale du Championnat de France Fédérale 3


Copyright (c) Ferrassie-TV 2008 - 28/01/2008 Fotòs | Somari