|
Aquò's pas las selhas de pluèja que refregissián los nombrós espectators en aquel
dimenge d'autona, que frenèron los débats rugbistics per decidir de la supremacia
veseriana entre las doas "Pòrtas de la Vesera".
Los partisans assistiguèron a una franca e corrècta emponhada que boteron en presa
dos gropes que jogaràn pas versemblablament dins la mesma partida del classament.
Los d'Albuga, dins la brava vila pintoresca de Terrasson, faguèron un primièr temps
remirable, amb temps de juòc e beucòp de seriós,en s'adaptar au terren e a las condicions
climaticas, e aquò era pas car pagat amb 11 a 0 dans la biaça per virar a la distribucion
dels irantges.
Al segond temps, sus lo còp de pè d'engatjament, lo mai brave encadenament de la
partida veirà los d'Albuga fregar la linha advèrsa. Mas i tornaràn nonmàs a dietz
minutas de la fin, amb dos ensags de Damien MARTY e del "pack", laidonc que d'aquel
temps, los blu-e-blanc de Terrasson bombardaràn lo camp d'Albuga vint a vint-e-cinc
minutas sens marcar.
La desfensa visitosa, daus uns còps eroïca, aguèt laidonc en fàcia una equipa quòm
esperava pas aquí, amb fòrt pauc de degalhs, daissant qua'iment pas beucòp de balons
en rota a lors adversaris.
Mas los d'Albuga tenguèron bon e tornèron en aval de la Vesera amb los tres preciós
punts de la victòria.
PLB
|
