Fotòs de l'article Estampar l'article Acuelh Barratz aquela fenèstra Estampar l'article Acuelh

LA "STAR ÒC" LO 30 DE JUNH A VILAFRANCA DE PERIGÒRD

VAUTRES QUE, EN OCCITAN SABETZ CANTAR, VOS CAL INSCRIURE AL GRAND CONCORS DE CANT « CANT’ÒC » DE LA FELIBREJADA QUE VEN

Se per vos tanben, coma se ditz en occitan : "Aquela cançon me va jos la rusca"

Lo 1er de julhet de 2007, Vilafranca de Perigòrd, a las termièras de Òlt et de Òlt-e-Garona, aculhirà la 88èma Felibrejada, granda fèsta de l’Occitania onte se parla, canta et dança en occitan. En mai dels grands rendètz-vos abituals – la messa en occitan, lo repais apelat " la taulada", los gropes tradicionals dins las carrièras e sus l’empont de la "Cort d’Amor" – pel prumièr còp dempuèi 88 ans, un concors de cant en occitan dobèrt als amators que an al mens 16 ans serà organisat amb un règlament çai-dejós detalhat e de pretz a ganhar. Las preseleccions se faràn sus maquetas (caissetas o CD) a mandar al "Bornat dau Perigòrd" avant lo 30 de abrial que ven.

Los documents per l’engatjament sont a mandar a :
LO BORNAT DAU PERIGÒRD
CONCOURS CANT’ÒC
13, Rue Kléber
24000 PERIGUEUX

Los 10 candidats seleccionats per lo concors seràn prevenguts per corrièr tre lo 15 de junh 2007; los supòrts sonòrs dels candidats non retenguts seràn servats a la biblioteca de l’associacion.
Lo ganhant se produirà lo lendeman après-miègjorn a la Cort d’Amor davant milierats de personas – èran 20 000 espectators a la darrièra Felibrejada al Pòrt de Santa Fe e Santa-Fe lo 2 de julhet de 2006 – e farà de mai la prumièra partida del concèrt del grope Nadau lo 1er de decembre de 2007 a Montpon-Ménestérol (24).
D’ara endavant a Vilafranca los preparatius son enregats dins l’estrambòrd e la bona imor. « Avèm agut rason de nos lançar dins l’aventura ! » çò-ditz Vincent Deltreuil, cònsol de Vilafranca e conseilhièr general de la Dordonha que es sortit encantat de las prumièras amassadas ont lo comitat d’organisacion de la 88èma Felibrejada del Perigòrd se farguèt. Jean-Pierre Peuch, president del comitat, Georges Costes, vice- president e Jacky Mortessagne, clavaire, se crosavan de còps que i a a Vilafranca. Adara, se son rencontrats. Tots eissits del teissut associatiu, se sarran los coides per fins qu’aquela Felibrejada « al país de las castanhas e del botarèl » e dins l’una de las mai ancianas bastidas francesas demòre inoblidabla.


CANT’ÒC

Concors de la canson occitana
lo 30 de junh 2007 a Vilafranca-de-Perigòrd (24)
dins l’encastre de la 88èma Felibrejada del Bornat dau Perigòrd

Nombrós prètz e recompensas, dont 500 euròs al primièr.
(lo ganhant passarà a la cort d’amor de la Felibrejada e en dubertura del concèrt de Nadau lo 1er de decembre 2007 a Montpon-Ménestérol (24)

Inscripcions e entresenhas :
e-mail : cant.oc@laposte.net
corrièr : Lo Bornat dau Perigòrd, 13 rue Kléber 24000 Périgueux. Tél. 05 53 81 78 04


Téléchargez le règlement complet du concours CANT'ÒC (format pdf)

Téléchargez le formulaire d'inscription au concours CANT'ÒC (format pdf)

PICHON JORNAL DE LA FELIBREJADA, n°6, Juin 2007
(format pdf)
PICHON JORNAL DE LA FELIBREJADA, n°5, Mai 2007
(format pdf)
PICHON JORNAL DE LA FELIBREJADA, n°4, Avril 2007
(format pdf)
PICHON JORNAL DE LA FELIBREJADA, n°3, Mars 2007
(format pdf)
PICHON JORNAL DE LA FELIBREJADA, n°2, Janvier 2007
Copyright (c) Ferrassie-TV 2006 Fotòs | Somari