Escran beu
La GRA.SA.SA fuguèt fondada en 1969 a Sta-Sabina per d’agricultors precursors en recèrca d'alternativas al tot petròli.
Dins las annadas 70, an començat a far fonccionar lo forn de lor cooperativa agricòla amb de ressegum de lenha, una ressorça locala.

Lo ressegum de lenha non tractat ven de las rèssas vesinas. Quò’s un rebut se òm lo jita. Quò’s una energia renovelabla se òm l’utilisa.
Gregorí Grange, estacat de direccion, explica coma la GRA.SA.SA. s'es lançada dins la produccion de granulats de lenha.
La principala produccion de la GRA.SA.SA. demòra los granulats de pastura desidratats : lusèrna, milh, margalh, per apasturar las bèstias.
L'idèia de compactar lo ressegum de lenha en granulats per ne’n far un combustible mai transportable car mens volatil es apareguda quò fai trenta ans.
l'origina d’aquelas innovacions energeticas, l'inventor Joan Mirgaudou, agricultor aderent de la GRA.SA.SA, que la bòrda onte demorava èra en fàcia.
Quò’s l’Iveta Mirgaudou, demorada sola aprèp la mòrt de Joan en 1984, que nos a presentat l'installacion de calfatge ecologic concebuda per son òme.
Darrièr aquela paret un silò en tòla ondulada de 11m3, emplenat gràcia a ‘quel vitz a grun, alimenta la caudièra, de l'autre costat, per un vitz sens fin.
En 1979, fabriquèt chas el una caudièra robusta e eficaça, alimentada amb ressegum, amb palha, puèi amb granulats de lenha.
Article | Somari